Anëtarët

Anëtarët e NJSBC

Ark. Fatlinda Struga

Kryetare, Fakulteti i Inxhinierisë dhe Arkitekturës

Ark. Fatlinda Struga ka një experiencë 40 vjecare në fushën e arkitekturës dhe urbanistikës. Ajo është angazhuar në procesin e mësimdhënies pranë Universitetit ‘’Metropolitan Tirana’’ që nga viti 2014 e në vazhdim. Eksperienca e saj profesionale konsiston në fushën e: planifikimit urban (Plani i Përgjithsëm Rregullues i Tiranës, Shkodrës, Vlorës, Fierit, Çorovodës, Peshkopisë, etj); projektimit urban (Planet e qendrave të qyteteve Tiranë, Fier, Berat, etj); planifikimit të zonave të banimit, industriale, etj; plaifikimit të hapësirave rekreative (Parku Kombëtar i Dajtit, Parku periferik i qytetit të Tiranës, Parku “Një kilometër”, etj); studimit e kërkimit shkencor në fushën e urbanistikës (Fizionomia e qendrave rurale shqiptare, etj); legjislacionit të projektimit dhe planifikimit të territorit (Ligji për planifikimin e territorit, aktet nënligjore përkatëse, manuale për qytetarët dhe profesionistët, etj.); projektimit arkitektonik (vila, banesa kolektive dhe objekte social kulturore). Nga viti 2005 e në vazhdim është angazhuar në procesin e mësimdhënies në lëndët ‘’Projektim Urban’’ dhe ‘’Planifikim Territori’’ përkatësisht pranë Universitetit Politeknik të Tiranës, Albanian University si dhe Universitetit Metropolitan Tirana.

Dr. Almarin Frakulli

Anëtar, Fakulteti i Ekonomisë

Dr. Almarin Frakulli mban titullin Doktor i Shkencave (PhD) në Politikën Tatimore, me fokus analizimin e ndikimit të politikave tatimore mbi sektorin e ndërmarrjeve të vogla dhe të mesme (NVM) në Shqipëri. Studimet universitare i ka përfunduar në fushën e Marrëdhënieve Ekonomike Ndërkombëtare pranë Universitetit “Angel Kanchev” në Ruse, Bullgari ndërsa diplomën Master e ka marrë në Financë dhe Bankë në Universitetin “Sv. Sv. Kiril i Metodii”, VelikoTarnovo, Bulgari. Eksperienca e tij profesionale përfshin mbi shtatë vite angazhim në sektorin energjetik, ku ka ushtruar funksionin e Specialistit të Kredive dhe Thesarit pranë CEZ Albania. Në këtë rol, ai ka kontribuar në parashikimin financiar dhe analizën e huave, duke mbështetur proceset e planifikimit dhe vendimmarrjes financiare strategjike te korporates. Që prej vitit 2010, Dr. Frakulli është i angazhuar në akademi, ndërsa prej vitit 2019 ushtron aktivitetin e tij si pedagog pranë Universitetit Metropolitan Tirana dhe si pedagog i ftuar në Fakultetin e Ekonomisë të Universitetit të Tiranës. Interesat e tij akademike përqendrohen në Taksim, Qeverisjen Korporative dhe Politikën Fiskale.

Msc. Virtyt Lesha

Anëtar, Fakulteti i Shkencave Kompjuterike dhe IT

Virtyt Lesha është asistent lektor pranë Fakultetit të Shkencave Kompjuterike dhe IT. Ai është diplomuar pranë Universitetit Politeknik të Tiranës në Inxhinieri Elektronike dhe ka përvojë rreth 8 vjecarë në lektorimin e lëndëve bazë të Inxhinierisë elektronike ku përfshihet lënda e teorisë së sinjaleve si dhe elektonika analoge dhe dixhitale. Për me tepër, ka një përvojë disa vjecare në kërkimin shkencor në fushën në fjale të studimit si dhe ka shërbyer si “reviewer” në konferenca të ndryshme.

Msc. Albina Shehu (Joga)

Anëtare, Përfaqësuese e Administratës

Albina Shehu është Drejtuese e Kabinetit të Rektorit në Universitetin ‘’Metropolitan Tirana’’ dhe më herët ka mbajtur edhe pozicionin e Drejtueses së Burimeve Njerëzore. Ajo ka mbi 20 vite përvojë profesionale në arsimin e lartë, menaxhimin institucional, politikat publike dhe projektet ndërkombëtare. Ka mbajtur pozicione drejtuese dhe në universitete, institucione qeveritare dhe organizata ndërkombëtare, duke kontribuar në zhvillimin institucional, ndërkombëtarizimin dhe menaxhimin e burimeve njerëzore. Është kandidate për PhD dhe ka ekspertizë në menaxhim akademik, projekte të financuara nga BE dhe donatorë ndërkombëtarë, si dhe në ndërtimin e politikave dhe rregulloreve institucionale.

Prof. Asoc. Dr. Ramadan Çipuri

Anëtar, Ekspert i Jashtëm

Ramadan Çipuri është Profesor i Asociuar pranë Departamentit të Gazetarisë dhe Komunikimit në Universitetin e Tiranës, me përvojë të gjatë në fushën e sigurimit të cilësisë në arsimin e lartë. Ka shërbyer si ekspert i jashtëm për ASCAL dhe Ministrinë e Arsimit, si dhe në komisione të brendshme të cilësisë në disa universitete. Ai ka marrë pjesë në projekte akademike dhe trajnime që lidhen me gazetarinë, etikën dhe vlerësimin institucional. Doktoratura në fushën e komunikimit dhe angazhimi i vazhdueshëm në kërkimin shkencor e plotësojnë përvojën e tij institucionale, duke e bërë një kontribuues aktiv në proceset e vetëvlerësimit dhe sigurimit të cilësisë.

Anja Balliu

Anëtare, Kryetare e Qeverisë Studentore

Anja Balliu është studente në vitin e dytë Bachelor në Inxhinieri Kompjuterike në Universitetin Metropolitan Tirana. Gjatë vitit të kaluar ajo ka qenë e angazhuar vullnetarisht pranë Zyrës së Këshillimit të Karrierës, ku ka kontribuar në organizimin dhe mbështetjen e aktiviteteve që lidhen me orientimin akademik dhe zhvillimin profesional të studentëve. Anja është gjithashtu kryetare e Këshillit Studentor, duke udhëhequr iniciativa dhe projekte që nxisin pjesëmarrjen e studentëve në jetën akademike dhe komunitare. Ajo është në vitin e dytë të angazhimit të saj në Robotek, ku ka marrë pjesë aktive në iniciativa informuese, trajnime dhe aktivitete teknologjike për të rinjtë. Është gjithashtu aktive në mënyrë të vazhdueshme në aktivitete, evente dhe iniciativa të ndryshme të organizuara nga universiteti, duke kontribuar në jetën akademike dhe komunitare. Interesat e saj përfshijnë teknologjinë, inovacionin, inxhinierinë kompjuterike dhe angazhimin aktiv të studentëve në nisma zhvillimore.