Anëtarët

Anëtarët e NJSBC

679-pu1mlh38pcguq5jz1iaup61kv6pmgpfs3kyr4zy9fk-min

Dr. Nikolla Nika

Kryetar, Fakulteti i Inxhinierisë dhe Arkitekturës

Dr. Nikolla Nika ka kryer studimet universitare në UPT për Inxhinieri Ndërtimi dhe më pas për Inxhinieri elektrike, ndërsa studimet pasuniversitare i ka kryer në struktura dhe programim në NTUA në Greqi në fushën e betonit. Mban gradën ‘’Doktor i shkencave’’ në dinamikë e themeleve nën makineri. Ka përvojë profesionale si projektues në Institutin e Projektimeve të Veprave industriale (ISP-4)-Tiranë. Pedagog në UPT në Katedrën e Rezistencës së materialeve dhe mekanikës dhe në Departamentin e Konstruksioneve të Ndërtimit. Prej vitit 2011 e në vazhdim pedagog në UMT në Fakultetin e Inxhinierisë dhe Arkitekturës dhe në Universitetin Politeknik të Tiranës në Fakultetin e Inxhinierisë Mekanike.

Prof. Asoc. Dr. Aranit Shkurti

Anëtar, Fakulteti i Ekonomisë

Profesor i Asociuar ekonomisë dhe ekonometrisë në Departamentin e Informatikës Ekonomike, Fakulteti i Ekonomisë, UMT. Interesat e tij kërkimore përfshijnë modelimin dhe politikat e energjitike, ekonominë industriale, energjitë e rinovueshme etj. Ai ka një përvojë të gjerë mësimdhënieje prej më shumë se 15 vitesh, duke ligjëruar një sërë lëndësh kryesisht në fushën e Shkencës së të Dhënave, Modelimit Statistikor me Python, Ekonomisë Inxhinierike dhe Menaxhimit të Operacioneve. Prof. Asoc. Dr. Aranit Shkurti ka dhënë mësim në Fakultetin e Biznesit si dhe në Fakultetin e Inxhinierisë. Ai është anëtar i disa bordeve editoriale dhe autor i shumë artikujve dhe punimeve të konferencave të botuara në revista me faktor impakti.

Prof. Asoc. Dr. Ramadan Çipuri

Anëtar, Ekspert i Jashtëm

Ramadan Çipuri është Profesor i Asociuar pranë Departamentit të Gazetarisë dhe Komunikimit në Universitetin e Tiranës, me përvojë të gjatë në fushën e sigurimit të cilësisë në arsimin e lartë. Ka shërbyer si ekspert i jashtëm për ASCAL dhe Ministrinë e Arsimit, si dhe në komisione të brendshme të cilësisë në disa universitete. Ai ka marrë pjesë në projekte akademike dhe trajnime që lidhen me gazetarinë, etikën dhe vlerësimin institucional. Doktoratura në fushën e komunikimit dhe angazhimi i vazhdueshëm në kërkimin shkencor e plotësojnë përvojën e tij institucionale, duke e bërë një kontribuues aktiv në proceset e vetëvlerësimit dhe sigurimit të cilësisë.

Prof. Asoc. Dr. Vita Koja

Anëtare, Drejtuese e Zyrës së Cilësisë dhe Kurrikulës

Prof. Asoc. Dr. Vita Koja është diplomuar në Fakultetin e Ekonomisë, Universiteti i Tiranës në degën Mercologji Industriale. Në vitin 1993 ka marrë gradën ’’Doktor i Shkencave’’, ndërsa në vitin 1998 titullin’’Profesor i Asociuar’’. Nga viti 1984 – 1991, ka mbajtur pozicionin e Asistent pedagoges në katedrën e Merceologjisë të Fakultetit të Ekonomisë, të UT, ndërsa nga viti 1991 deri në vitin 2023 ka qënë Pedagoge pranë Departamentit të Marketing-Turizmit të FEUT në lëndët: Marketingu i Turizmit, Produkti Turistik, Bazat e Turizmit, Drejtimi i Udhëtimeve Turistike, Bazat e Marketingut, Manaxhimi i Tur-Operatorëve dhe Agjencive të Udhëtimeve Turistike, Manaxhimi i Cilësisë së Shërbimeve Turistike dhe Komunikimi Marketing. Gjatë periudhës 2002-2007 ka qënë Anëtare e Këshillit Shkencor të Fakultetit të Ekonomisë të UT dhe lektore në Universitetin e Europës Juglindore në Tetovë.

Msc. Virtyt Lesha

Anëtar, Fakulteti i Shkencave Kompjuterike dhe IT

Virtyt Lesha mban diplomë Master i Shkencave në Inxhinieri Elektronike nga Universiteti Politeknik i Tiranës që nga viti 2016. Aktualisht është lektor pranë Universitetit Metropolitan Tirana dhe mbulon lëndë si elektronika analoge dhe dixhitale, teoria e sinjaleve, elektroteknika, etj. Pjesë e fushës së tij të kërkimit është përpunimi numerik i imazheve.

481160958_634361122625122_3966955365220138183_n

Mateo Hysa

Anëtar, Kryetari i Qeverisë Studentore

Mateo Hysa, është kryetari i Qeverisë studentore. Aktualisht studion ‘’Bachelor’’ në ‘’Software Engineering’’ dhe është në vitin e tretë. Paralelisht është edhe anëtar i Klubit të Debatit. Në UMT është i përfshirë në një sërë projektesh me fokus Teknologjinë dhe Sportin.